Prokuroria Posaçme kundër Korrupsionit dhe Krimit të Organizuar Tiranë përmes një njoftimi zyrtar ka nxjerrë në dritë të tjera detaje nga urdhër-arrestet e lëshuara në lidhje me abuzimet me inceneratorët e Fierit dhe të Elbasanit.
SPAK ka kërkuar po ashtu do të paraqesë një kërkesë në Kuvend, për të bërë të mundur arrestimin më pas të deputetit të PS-së, Alqi Bllako, pasi për të është kërkuar masa ‘arrest me burg’.
Në rast se Komisioni i Mandateve vendos i hap rrugë organeve të drejtësisë, atëherë i hapet mundësia të tjerë kandidatëve të listës së 25 qershorit për qarkun e Tiranës.
Dy ndër kandidatët në pritje janë Pandeli Majko i listuar i nëntëmbëdhjeti me 8780 vota dhe Dallëndyshe Bici e listuar në numrin 21 me një sasi votash prej 4977.
Çfarë thotë Kodi Zgjedhor:
“Mandati i ndërprerë i deputetit ose i anëtarit të këshillit të bashkisë i kalon kandidatit vijues të listës së të njëjtës parti politike në zonën zgjedhore përkatëse, përveçse kur plotësimi i vakancës me kandidatin e radhës ul përfaqësimin e gjinisë së nënpërfaqësuar. Në këtë rast plotësimi i vakancës bëhet nga kandidati i parë në listë i gjinisë së nënpërfaqësuar pavarësisht renditjes në listë. Emrat e tjerë të asaj gjinie ngjiten në listë duke marrë renditjen e kandidatit paraardhës të së njëjtës gjini. Ky rregull nuk zbatohet kur emrat e gjinisë përkatëse kanë shteruar”
