Ambasadori i Bashkimit Evropian në Tiranë Luigi Soreca ka bërë sërish apel që palët politike në vend të dialogojnë për të bërë përpara në rrugën e integrimit europian.
Në një postim në “Twitter” me rastin e vizitës së përfaqësuesve të vendeve të BE në Tiranë, Soreca vlerëson progresin e bërë nga qershori i kaluar.
Megjithatë ai thotë se mbetet ende punë deri në qershor kur pritet dhe vlerësimi për Shqipërinë.
“Shqipëria ka bërë progres domethënës që nga qershori i kaluar. Ka ende punë për të bërë deri në qershorin e ardhshëm. Tani është koha që të kapërcehen dallimet partiake dhe të angazhoheni në dialog. Për të ruajtur interesat e shqiptarëve të cilët duan të vazhdojnë rrugën drejt BE-së”- shkruan ambasadori i BE, Soreca.
