Ambasadori i BE në vendin tonë, Luigi Soreca dhe koordinatori i OSBE në Shqipëri, Brian Williams, nënshkruan marrëveshjen që aktivizon menjëherë fondet në ndihmë të Shqipërisë në luftën ndaj koronavirusit.
Për shkak të situatës së krijuar nga COVID-19, mbledhja u zhvillua online dhe pjesë e saj ishte edhe ministrja e Shëndetësisë, Ogerta Manastirliu.
BE i dha Shqipërisë 50 milion euro grant, nga të cilat 4 milion euro do të përdoren për pajisje mjekësore.
Gjatë mbledhjes, koordinatori i OSBE përgëzoi qeverinë shqiptare për masat e marra, me qëllim parandalimin e përhapjes së COVID-19.
“ Qeveria shqiptare duhet përgëzuar për masat e saj të shpejta dhe të plota për distancimin fizik, testimin, gjurmimim, për komunikimin e informacioneve të gjitha me qëllim për zbutjen e kurbës. Përgëzime ministres Manastriliu, Ramës dhe qeverisë për bashkëpunimin kolektiv. OKB ju mbështet. Mbështetja e BE në këtë moment është në kohën e duhur”, u shpreh Ëilliam.
Numri i të prekurve nga COVID-19 në vendin tonë ka shkuar në 304, në mesin e të cilëve 16 viktima dhe 89 të shëruar.
Gjatë 24 orëve të fundit janë kryer 112 teste nga të cilat 27 rezultuan pozitiv.
Në spitalin Infektiv ndërkohë ndodhen 73 persona, 7 prej të cilëve në terapi intensive, ku dy janë intubuar.
