Presidentët kanë shmangur procedurat ligjore në dhënien e parasportave. Gjatë viteve 2007-2017, paraardhësit e Metës, Bamir Topi dhe Bujar Nishani, kanë firmosur dhënien e vetëm 76 nënshtetësive të veçanta, si përjashtim nga ligji, “për interes kombëtar”.
Presidenti Ilir Meta, në harkun kohor prej tre vitesh, ka firmosur dhënien e 419 nënshtetësive shqiptare në emër të “interesit kombëtar”. Këti o ka dhënë për arabë, afrikanë, rusë, ukrainas si për shqiptarë nga Kosova dhe Maqedonia, duke i konsideruar si asete kombëtare.
Presidenti Bamir Topi, gjatë periudhës pesëvjeçare 2007-2012 ka dhënë vetëm 83 nënshtetësi shqiptare me procedura të veçanta, nga të cilat 33 pa propozim dhe 50 të tjera me propozim të ministrive të Kulturës, Arsimit dhe Turizmit etj., në zbatim të pikës 7 të nenit 9 të ligjit për nënshtetësinë, pikë e cila parashikon dhënien e nënshtetësisë në raste te veçanta edhe pa plotësuar kushtet dhe pa ndjekur procedurat, nëse kërkuesi përbën “interes kombëtar” për Shqipërinë.
Presidenti Bujar Nishani, gjatë periudhës 2012-2107, ka firmosur 259 nënshtetësi të veçanta, nga te cilat 43 me bindje e tij, pa propozim dhe 216 të tjera me propozim të ministrive.
Ndërkohë, 90% e listës së personave që kanë përfituar nënshtetësi nga Ilir Meta përbëhet nga persona anonimë, në disa rastet të dënuar për vrasje, personave të lidhur me histori korrupsioni dhe përvetësim pronash publike etj..
/Gazeta Reforma.com/
