Një ngjarje e rëndë ndodhi ditën e djeshme në Vlorë.
Një 17-vjeçari humbi jetën tragjikisht, pasi u godit nga skrepi i një fadrome teksa ishte duke punuar për hapjen e një grope që do shërbente për ndërtimin e një parkingu.
Në prangat e policisë kanë rënë E. M., 32 vjeç, me detyrë drejtues teknik dhe B. Xh., 29 vjeç, me detyrë manovrator i mjetit gërmues, të dy banues në Radhimë.
Arrestimi i tyre u bë pasi 17-vjeçari ishte goditur nga skrepi gjatë punimeve për hapjen e një shesh parkimi në lagjen “Uji i Ftohtë”.
Fillimisht policia deklaroi se viktima ishte 25 vjeç por kjo është rrëzuar nga KSHSH e cila deklaroi se i mituri ishte 17 vjeç dhe se ndërroi jetë për shkak të mungesës së sigurisë teknike.
Ditën e sotme të tjera detaje të dhimbshme zbulohen për 17-vjeçarin i cili humbi jetën.
Sipas “Faxweb”, Jaup Begotaraj ishte djali i vetëm i familjes, ndërsa ishte rritur nga gjyshërit pasi prindërit i ka me probleme të shëndetit mendor.
I riu së bashku me manovratorin Bujar.Ç punonin në pastrimin e inerteve për hapjen e një parkimi në zonën e kalasë, ndërkohë që fillimisht u fsheh ky fakt dhe u deklarua se adoleshenti shkoi atje për të takuar një shok dhe jo si i punësuar.
Jaup Begotaraj punonte në të zezë dhe jashtë çdo rregulli ligjor, pasi ishte në kushte të vështira ekonomike.
Njoftimi i policisë:
Specialistët për Hetimin e Krimit në Komisariatin e Policisë Vlorë arrestuan shtetasit E. M., 32 vjeç, me detyrë drejtues teknik dhe B. Xh., 29 vjeç, me detyrë manovrator i mjetit gërmues, të dy banues në Radhimë.
Arrestimi i këtyre dy shtetasve u bë pasi ditën e djeshme, gjatë punimeve për hapjen e një shesh parkimi në lagjen “Ujë i Ftohtë” është goditur me mjetin gërmues dhe ka gjetur vdèkjen në vend shtetasi J. B., 17 vjeç, banues në Radhimë.
