Sindikata e Artistëve ka reaguar pas skandalit me logon e vjedhur të Tetatrit Kombëtar të Operas dhe Baletit. Kreu i sindikatës, Reshat Ibrahimi ka thënë se artistët do t’i kërkojnë Ministrisë së Kulturës që të dërgojë auditin që të verifikohen problemte në këtë çështje. Më pas një kopje e tij t’i kalojë sindikatës e cila do të marrë vendim nëse do duhet t’i drejtohet Kontrollit të lartë të Shtetit. Ibrahimi ka thënë se nëse Ministria e Kultuërs nuk përgjigjet, ata do të nisin protestat.
“Skandali mediatik që plasi në TKOB për logon e re të institucionit është një ngjarje shumë e dhimbshme. Dje u mblodhëm të gjithë krerët e sindikatave, të korit, ansamblit të valleve e të baletit që dolëm me këtë vendim: “Do t’i kërkojmë Ministrisë së Kulturës zyrtarisht që të dërgojë në mënyrë urgjente auditin, që të verifikohen të gjitha problemet që trajtohen në lidhje me këtë skandal”. Më pas ne do i kërkojmë Ministrisë së Kulturës që një kopje të audit t’ia depozitojë Sindikatës, e cila do të marrë vendim nëse do të duhet t’i drejtohet Kontrollit të Lartë të Shtetit, për të vërtetuar se ku kanë shkuar lekët e shqiptarëve. Nëse ministria heshtë, ne do të nisim protestat njëorëshe, më pas një ditë e më tej”, thotë kreu i Sindikatës së Pavarur të Artistëve, Reshat Ibrahmi.
Logoja e re e TKOB rezultoi të ishte një punim plagjiaturë, pasi ishte marrë e gatshme nga një faqe internet. Kompania fituese “Pika Production” mori 18 milionë lekë nga buxheti i shtetit për realizimin e një logoje që gjendej e gatshme në një site për punimin e logove pa pagesë. Ndërkohë, institucioni i TKOB reagoi duke thënë se nuk kanë kapacitetet për të verifikuar plagjiaturën.
