Autoriteti Kombëtar i Ushqimit (AKU) institucioni i cili është përgjegjës për mbikëqyrjen e sigurisë ushqimore në Shqipëri, ka dështuar sërish. Siç edhe vetë e kanë dëshmuar, institucionet në vendin janë mjaftuar me paralajmërime në rrjete sociale për vapën dhe lajme për fluksin e shtuar të pacientëve të goditur nga temperaturat esktreme.
Por skandali i radhës nga AKU lidhet drejtpërdrejt me shëndetin e qytetarëve. Në këto ditë të nxehta vere, ushqimet e ftohta janë ato të cilat preferohen dhe këshillohet të konsumohen.
Megjithatë në tregun shqiptar, është zbuluar se ka akullore të kontaminuara me oksid etileni, një substancë kimike shumë e rrezikshme për shëndetin e njeriut. Këtë gjë e ka zbuluar kreu i KLSH-së gjatë raportimit në Komisionin e Ekonomisë dhe Financave.
Më konkretisht Shehu zbuloi se janë konsumuar 13.2 ton akullore me oksid etileni, teksa produktet janë shitur kryesisht në: Tiranë, Durrës, Fier, Elbasan, Vlorë, Berat, Lushnje, Korçë, Shkodër, Sarandë, Krujë, Burrel, Peshkopi, Tropojë, Lezhë.
Po ashtu kërkimet zbuluan se akulloret e kontaminuara me Oksid Etileni mund shkaktojnë kancer, leucemi dhe ndikojnë në aftësinë riprodhuese tek meshkujt.
Rastet e shkaktuara me kancer prej këtyre akulloreve mund të ketë rritur numrin e pacientëve tek Onkologjiku, spitali i skandaleve ku pak ditë më parë u zbulua sesi mjekët e kirurgët bënin “tregti” me jetën e pacientëve të sëmurë.
Por ky nuk është i vetmi rast skandali ku del hapur emri i AKU. Ushqime bazë, si mishi apo bulmeti që prej kohësh nuk duhet të tregtoheshin në vendin tonë kanë qarkulluar lirshëm nëpër biznese. AKU pa më të voglin përgjegjësi po luan hapur me jetën e qytetarëve.
