Një incident tronditës ka bërë shpërthimin e mediave sociale në Kinë këtë javë, edhe pse ngjarja ka ndodhur në vitin 2019. Një mjek është kapur në video duke goditur tre herë me grusht një paciente 82-vjeçare në fytyrë gjatë një operacioni në sy. Ekipi i spitalit ka shpjeguar se sjellja brutale e mjekut u shkaktua nga pacientja e cila nuk ndalonte së lëvizuri gjatë procedurës kirurgjikale.
Ngjarja e pabesueshme ka ndodhur në një spital në Guigang, Kinë jugperëndimore. Gruaja e moshuar kishte marrë anestezinë lokale dhe kishte zhvilluar një reaksion alergjik, duke shkaktuar tundjen e kokës. Si pasojë, ajo pësoi mavijosje në ballë nga goditjet e mjekut.
Pas publikimit të videove, drejtoria e spitalit ka kërkuar falje për ngjarjen dhe ka paguar një dëmshpërblim prej 63 euro për paciente. Autoritetet spitalore njoftuan se kanë shkarkuar drejtorin ekzekutiv dhe kanë pezulluar kirurgun nga detyra.
