Në Maqedoninë e Veriut, situata vijon të jetë e rënduar pasi gjatë 24 orëve të fundit kanë humbur jetën 9 persona nga koronavirusi, duke e çuar kështu numrin e viktimave në 277.Në mesin e viktimave, 6 janë nga Tetova dhe 3 nga Shkupi.
Ministria e Shëndetësisë ka bërë me dije se gjatë ditës së fundit janë testuar 1086 persona të dyshuar me koronavirus, prej të cilëve kanë rezultuar pozitiv 150.Qytetet me numër më të lartë të infektuarish mbeten Shkupi me 93 raste, Tetova 12 dhe Kumanova me 7 raste.
Kujtojmë që deri më tani në Maqedoninë e Veriut 277 persona kanë humbur jetën nga Covid, ndërsa 5906 janë të infektuar.Aktualisht numri i pacientëve aktiv në Maqedoninë e Veriut është 3393.
Ndërkohë që edhe 30 pacientë kanë fituar betejën me koronavirusin, duke numëruar tashmë 2236 të shëruar në total.
