Duket sikur vala e dytë e koronavirusit ka përfshirë të gjithë rajonin, sidomos fqinjët tanë si Kosova, Italia dhe Greqia.
Gjatë ditëve të fundit në Itali dhe Greqi ka patur një shifër rekord të infektuarish dhe viktimash nga Covid-19.
Bëhet me dije se vetëm gjatë 24 orëve të fundit, në Itali janë shënuar 37.809 raste të reja me koronavirus, duke e çuar në 862.681 numtin total të të prekurve, ndërsa me 446 viktimat e fundit, numri total i jetëve të humbura ka shkuar në 40.638.
Po ashtu edhe në fqinjin tonë jugor, Greqinë, gjatë 24 orëve të fundit, autoritetet shëndetësore helene kanë treguar se janë regjistruar 2447 raste të reja me koronavirus, me një numër të përgjithshëm prej 52.254 ndërsa janë konfirmuar 13 viktima, duke e çuar në 715 numrin e përgjithshëm, që nga fillimi i pandemisë./GazetaReforma.com/
