Situata me pandeminë në Maqedoninë e Veriut nuk paraqitet aspak e mirë për shkak edhe të përhapjes së variantit të ri të koronavirusit, variantit “Delta”.
Për këtë arsye pritet që masa të reja shtrënguese të merren për rajonin e Tetovës në Maqedoninë e Veriut. Venko Felipeçe, ministri i Shëndetësisë dhe Komisioni për Sëmundje Infektive kanë vendosur që t’i rekomandojnë Qeverisë së Maqedonisë së Veriut disa masa të reja. Në të cilat përfshihet edhe fakti që në një tavolinë mos të ulen më shumë se katër persona dhe të mos kalohet 30% e kapacitetit të personave në ambientet e mbyllura të lokaleve, në raste dasmash.
‘Për mbajtjen e ngjarjeve masive në ambiente të mbyllura, sikurse dasma e ahengje, kurse në pjesën e mbyllur të lokaleve të mos tejkalohet 30% i kapacitetit dhe në tavolina të mos ulen më shumë se katër persona. Zbatimi i këtyre masave do të ndiqet me kontrolle të përforcuara inspektuese’.
Masat e reja kufizuese po propozohen për shkak të paralajmërimit që ka dhënë Qendra për Shëndetin Publik në Tetovë, e cila raportoi se situata me rastet me COVID-19 mund të përkeqësohet.. Numri i të infektuarve në këtë qytet ka shkuar nga 6 në 229 për një muaj. Aktualisht, në nivel vendi, Tetova ka më shumë raste aktive – 379 duke lënë pas Shkupin me 370.
Gjithashtu autoritete vendase kanë lajmëruara se përhapja e virusit po bëhet më shumë nga personat të cilët nuk janë të vaksinuar dhe kjo vihet re te rastet e reja që janë infektuar, ku mbi 90% e rasteve të reja janë qytetarë të pavaksinuar.
Nga ana tjetër Ministria e Shëndetësisë deklaron në Rajonin e Tetovës është nën 20% vaksinimi i popullsisë.
