Situata politike në RMV dhe Mal të Zi, Rama: S’do lejojmë askënd të na tërheqë prapa
Kryeministri Edi Rama është shprehur se kërcënimet kundër stabiliteti dhe integritetit ndaj këtyre dy vendeve janë të papranueshme. Në një reagim në rrjetet sociale për situatën politike në Maqedoninë e Veriut dhe në Mal të Zi kryeministri Rama thekson se Shqipëria, edhe këto dy vende janë aleatë të NATO-s dhe të përkushtuara për sigurinë dhe integritetin territorial.
Reagimi i kryeministrit Edi Rama vjen fill pas publikimit të një artikullit nga ‘The Geopost’ ku shkruhej se Maqedonia e Veriut dhe Malit të Zi vazhdojnë të jenë target i kërcënimeve të Republikës së Serbisë.
Postimi i plotë:
Kërcënimet kundër stabilitetit dhe integritetit të Maqedonisë së Veriut dhe Malit të Zi janë të rrezikshme dhe të papranueshme. Të mos harrojmë se Shqipëria, Maqedonia e Veriut dhe Mali i Zi janë aleatë të NATO-s plotësisht të përkushtuar ndaj sigurisë dhe integritetit territorial të njëri-tjetrit. Ne kemi arritur në dekadën e fundit në këtë rajon atë që askush nuk mund ta imagjinonte në dekada të pafundme më parë dhe nuk mund dhe nuk do të lejojmë askënd të na tërheqë prapa në të shkuarën që po e lëmë pas përgjithmonë! Së bashku! Evropa e Madhe është e ardhmja jonë e vetme.
