Në urgjencën qëndrore të QSUT-së, janë të shumta ditët që nuk gjen asnjë shtrat të lirë.
Ish-shefi i këtij shërbimi doktor Ylli Ziçishti, i ftuar në studion e ‘BalkanWeb’ përballë gazetarit Erjon Skëndaj pohon se mbingarkesa është bërë shkak që të vdesin pacientë në urgjencat spitalore të Tiranës.
Ai iu referua edhe rastit të gruas shtatzënë që vdiq rreth 3 vite më parë, që sipas tij i kishte shanset të shpëtonte.
Zicishti thotë se i gjithë faji rëndon mbi sistemin shëndetësor dhe mënyrën e funksionimit të spitaleve rajonale që sipas tij në shkelje flagrante i referojnë rastet në Tiranë të pa shoqëruar nga mjeku.
Sipas tij shumë spitale drejtohen nga jo mjekë. Gjithashtu doktor Zicisht thotë se si patronazhimi dhe dërgimi i mjekëve të sapodiplomuar në rrethe nuk do ta ndalë apo pakësoje fluksin në QSUT.
