Ministrja e Bujqësisë Frida Krifca në një dalje për mediat ka komentuar ndër të tjera situatën me eksportet dhe importet bujqësore në Shqipëri. Sipas ministres eksportet bujqësore janë rritur mbi gjysmë miliardi lekë.
“Konkretisht kemi një rritje prej 18,1% në vlerë krahasuar me vitin 2021 ne kemi një rritje prej 15.6%nësasi krahasuar me vitin 2021. Kemipunua rnë vështirësi. Synojmë të arrijmë tregje ndërkombëtare të sofistikuara.
Nuk është e lehtë t’i çosh këto produkte në tregje, por ia kemi dalë që raportin import-eksport ta përmirësojmë nga 1/3 në1/2.85 në 2022. Struktura e eksportove ka pësuar një përmirësim cilësor si dëshmi e vlerës së shtuar që ne e kemi synim. Rritja e eksporteve në vlerë ka si burim dhe çmimin e rritur të produktit të papërpunuar për ato produkte me cilësi dhe avantazhe konkurruese.”- tha ajo.
Por Krifca theksoi se ka pasur problematika të mëdha në lidhje me bazën ligjore dhe karakteristikat e produktit që importohet drejt Shqipërisë. Ajo bëri me dije se këtë vit janë kthyer 500 ton produkte importi pasi sipas saj nuk kanë qenë në përputhje me kërkesat e bazës ligjore.
“Kemi objektiv që të fillojmë më procesin einspektimeve online, pa pasur nevojë vizitat. Në vitin 2022 ne kemi kthyer mbrapsht 500 tonë produkte importi që nuk ishin në kërkesat që kërkon baza ligjore për importet. Pra kemi rritur mburojën tonë me importet që nuk respektojnë standardet. Kemi pasur kontrolle të dedikuara ndaj farmacive bujqësore, në mënyrë që të ndalojmë rreptësisht përdorimin e kimikateve që nuk janë në listën e miratuar nga Ministria e Bujqësisë që janë në përputhje me listat e BE”- tha ajo.
