Në dhjetë vitet e fundit Shqipëria është përballur me eksodin e mjekëve, duke krijuar kështu një situatë kritike e duke ngritur mjaft pikëpyetje për cilësinë dhe kushtet e sistemit shëndetësor në vendin tonë.
E ftuar në emisionin “Opinion” në Tv Klan, mjekja Marsela Ceno ka zbuluar dhe numrin e saktë të largimeve masive në vitet e fundit.
Shifrat, të cilat ende nuk janë bërë zyratre, numërojnë deri në 1500 mjekë, duke nisur prej vitit 2010.
“Shifrat jo zyrtare flasin për 1500 mjekë shqiptarë në Gjermani, duke filluar nga viti 2010-2011.”, u shpreh ajo.
E pyetur sesa mjekë të rinj dalin prej universiteteve në vend, ajo cilësoi një shifër rreth 150 mjekë çdo vit.
“Unë nuk mund të them shifrën e saktë, por mund të them që çdo vit në Fakultetin e Mjekësisë diplomohen, 150-200 mjekë.”, vijoi ajo më tej.
Me një përllogaritje të thjeshtë, për të plotësuar këtë mungesë mjekësh të larguar, na duhen rreth 7 vjetë të tjera, shifër e cila tregon se sistemi shëndetësor është në situatë kritike përsa i përket prurjeve të reja në një kohë të jashtëzakonshme pandemie.
Kjo gjë kuptohet edhe në masat dhe ndryshimet e fundit që qeveria aktuale ka bërë për gjithë sistemin shëndetësor dhe pagat për punonjësait, duke i rritur ato me 40 % më shumë të pagës aktuale.
Gjithashtu dhe Partia Demokratike e cila aspiron të vijë në pushtet, i ka vënë theks të veçantë këtij sektori, duke premtuar 700 euro rrogën minimale për infermierët dhe 1200 për mjekët.
