Shefja e epidemiologjisë në ISHP, ka dhënë detaje rreth personave që janë të prekur nga varianti “Delta”. Bino ka treguar se midis personave që janë prekur nga varianti indian i koronavirusit ka edhe persona që kanë qenë të vaksinuar.
Ajo ka thënë se nga 6 rastet 4 kanë qenë të vaksinuar me nga një dozë AstraZenca dhe Pfizer, ndërsa dy me nga dy doza Coronavac. Gjithashtu ajo ka theksuar se i kanë bërë vaksinat jashtë vendit.
“Janë 6 raste të cilët janë vaksinuar. Dy raste kanë lidhje me udhëtimin në Mbretërinë e Bashkuar dhe kanë qenë të vaksinuar të dyja rastet me AstraZeneca në Mbretërin e Bashkuar në muajin prill. Dy raste të tjera kanë qenë të vaksinuar me Pfizer më nga një dozë, të vaksinuar në Gjermani. Dy raste të tjera kanë qenë të vaksinuar me dy doza Coronavac”, tha Bino.
Gjithashtu Bino ka theksuar se asnjë nga rastet që kanë qenë të vaksinuar nuk kanë pasur nevojë për kujdes spitalor.
“Asnjë nga rastet e vaksinuar me dy dozat, nuk ka pasur nevojë për kujdes spitalor. Në spitale po rritet numri i të rriturve që kanë nevojë për kujdes spitalor”, u shpreh ajo.
Bino ka thënë se janë 13 raste që kanë shkaktuar vatra familjare. “Janë 13 raste që kanë shkaktuar vatra familjare. Kemi një infektueshmëri të lartë”, u shpreh Bino ndërsa bëri një rezyme të situatës pas konfirmimit të variantit indian në Shqipëri.
