Vaksina kineze kundër koronavirusit është e sigurt. Të paktën kështu ka deklaruar zëvendës ministrja e Shëndetësisë, Mira Rakacolli. Në emisionin “Real Story” Rakacolli ka thënë se në rastin e vaksinës kineze janë marrë në studim punonjësit e shëndetësisë në Brazil dhe nuk kanë pasur shenja, ndërkohëvendimet janë marrë para se vaksinat të kontraktoheshin. Ajo tha se vaksinat janë studiuar mirë para se të vinin dhe se më kryesorja është që njerëzve t’u ofrohet një vaksinë e sigurt.
“Komisioni Shëndetësor i Kinës është një organizëm që ka rregulla, parimet. Ka qenë ky komitet që ka analizuar materialet e mbërritura për Sinovac-un, materialet mbërritën nga Turqia dhe ka më shumë informacion për fazën e tretë të rezultateve. Rënia kur janë krahasuar me vaksinat e tjera, thuhet që sa i përket vaksinave të tjera, ka qenë jo vetëm ai që ka qenë asimptomatik, por ka pasur edhe një shenjë. Në studimin brazilian janë marrë punonjësit e shëndetit dhe kanë qenë pa shenja. Prandaj kjo ka bërë që të ulen më tepër. Ndërkohë në Indonezi, është diçka tek 70%, edhe Turqia ka paraqitur rezultatin e fazës së tretë. Efikasiteti për të siguruar sigurimin e jetës është 100%, të personave që bëjnë vaksinën. Të gjitha vendimet janë marrë përpara se të kontraktoheshin, pra janë studiuar mirë para se të vinin këtu. Kryesorja është siguria, që njerëzve t’u ofrohet një vaksinë e sigurt”, tha Rakacolli.
Vaksinat kineze mbërritën në Shqipëri pak ditë më parë me anë të distirubutorit turk “Keymen Ilaç”. Me 192 mijë dozat e ardhura të kompanisë Sinovac nisi edhe procesi i vaksinimit masiv në vendin tonë.
