Sondazhet në rrjetet sociale tregojnë se 85% e tifozëve të Juventusit nuk e duan Max Allegri-n në krye të ekipit, megjithatë, drejtuesit e klubit nuk duket të jenë të gatshëm të ndërhyjnë në vendimin e tyre. Ata synojnë të vazhdojnë bashkëpunimin me Allegri-n, por me kushte, ku kushti kryesor është që klubi të sigurojë një vend në Ligën e Kampionëve.
Plani i Juventusit për tri vitet e ardhshme përfshin fitimin e rreth 150 milionë eurove duke luajtur në Ligën e Kampionëve dhe në Kupën e Klubeve Botërore. Për të arritur këtë objektiv, ata synojnë të marrin disa lojtarë të rinj si Koopmeiners, Goretzka, Samardzic dhe Zirkzee. Prioriteti i tyre është gjithashtu rinovimi i kontratave të lojtarëve të rëndësishëm si Rabiot, Chiesa dhe Vlahovic.
Plani i Gianluca Giuntoli, drejtori sportiv i klubit, synon konsolidimin e ekipit në vitin e parë, fitimin e titullit në Serie A në vitin e dytë, dhe të jenë konkurrues në nivelet më të larta në Evropë brenda tre viteve. Megjithatë, kjo strategji mund të shkrihet në erë nëse Juventus nuk siguron një vend në Ligën e Kampionëve për sezonin e ardhshëm. për këtë arsye, diskutimi për rinovimin e kontratës së Allegri-t është shtyrë derisa të përfundojë kjo sezon. Në anën tjetër, Max Allegri ka shfaqur qetësi, duke deklaruar se ekipi është në rrugën e duhur, pasi ai ka arritur objektivin e uljes së moshës së skuadrës dhe përfshirjen e lojtarëve të rinj.
