Emiljano Shullazi dhe anëtarët e tjerë të grupit, i kanë dërguar një kërkesë Gjykatës së Posaçme të Apelit. Ata kërkojnë ndryshimin e masës së sigurisë.
Shullazi kërkon që të vijojë gjykimin në apel me një masë të lehtë, duke u liruar nga qelia.
Seanca ndërkohë pritet të zhvillohet ditën e sotme në orën 12:00.
Ditën e djeshme, seanca ndaj Shullazit u shty për të tretën herë në Gjykatën e Posaçme.
Shkak u bë mungesa e njërit prej gjyqtarëve.
Avokatët e tij ngritën pretendimet e tyre për gjyqytarët Etleva Temo dhe Artur Kalaja, pasi nuk janë pjesë e strukturës së posaçme të formuar vetëm pak ditë më parë.
Grupi i Emiljano Shullazit është dënuar me 55 vite burg më 13 nëntor të 2018-ës, nga Gjykata e Shkallës së Parë për Krime të Rënda.
Mbi Shullazin rëndojnë dy gjobvënie ndaj biznesmenëve Ylvi Beqja dhe Jani Zakos, për të cilat është dënuar me 14 vite burg.
Ndërkohë për anëtarët e tjerë të grupit janë vendosur këto dënime:
Gilmando Dani 12 vite burg
Indrit Qyqja 10 vite burg
Indrit Zela 10 vite burg
Blerim Shullazi 9 vite burg
Gjykata në vendimin e saj, theksoi se askush nga të dënuarit nuk do të përitojë liri me kusht.
