24 vjeçarja shqiptare, Aurela Perhati, është arrestuar për vrasje në Itali.
Ajo akuzohet për vrasjen e 53-vjeçarit Massimo Garitta. Ky i fundit u gjend i pajetë më datë 1 janar, në një fushë në komunën Ovada të provincës së Alessandrias.
Sipas mediave italiane arrestimi saj u bë i mundur nga kodi numerik i marmitës së makinës e stampuar në xhupin e viktimës, të cilin e shtypi qëllimisht.
E reja shqiptare jetonte prej 22 vitesh në shtetin italian. Prokurori i çështjes, Enrico Cieri pas arrestimit u shpreh se viktima dhe autorja e krimit kishin dy jetë të ndryshme. Gruaja shqiptare ishte integruar në territorin italian, ndërsa viktima kishte probleme me jetën personale dhe i varur nga lëndët narkotike.
Ai shtoi se ishin dëshmitarët në zonë ata që kanë parë viktimën duke u ngjitur në makinën e zezë të vajzës, po në të njëjtin ditë.
