Një anije italiane, që transporton 40 emigrantë të dëbuar nga Italia, do të mbërrijë nesër në Portin e Shëngjinit.
Arsyet e shtyrjes së mbërritjes nuk janë ende të qarta, ndërsa emigrantët do të vendosen në kampin e Gjadrit.
Sipas planit, anija e parë do të mbërrijë në orën 15:00 me 15 emigrantë, ndërsa e dyta do të arrijë rreth orës 19:00 me 25 emigrantë të tjerë.
Pak kohë më parë, qeveria italiane, e udhëhequr nga kryeministrja Giorgia Meloni, ndryshoi planin për dy qendrat e emigrantëve në Shëngjin dhe Gjadër, të cilat ishin ndërtuar për të strehuar emigrantët në pritje të azilit.
Tani këto qendra do të përdoren për të strehuar emigrantët që janë dëbuar nga Italia. Kjo do të sjellë një periudhë qëndrimi deri në 18 muaj për emigrantët në këto kampet shqiptare.
Ministri i Brendshëm italian, Matteo Piantedosi, konfirmoi se ardhjet e emigrantëve janë ulur ndjeshëm falë masave parandaluese.
Ai gjithashtu propozoi që këto qendra të shndërrohen në Qendra të Paraburgimit të Riatdhesimit (CPR), për të mundësuar kthimin e emigrantëve të parregullt në vendet e tyre të origjinës.
Ndërkohë, në janar 2025, emigrantët e ardhur në Shëngjin ishin grupi i tretë dhe më i madh që mbërriti në këtë qendër pritjeje. Qeveria italiane kishte hasur vështirësi ligjore për të dërguar emigrantë në këto qendra, pasi gjykatat italiane kishin ndaluar disa herë transportimin e tyre për shkak të mungesës së një liste të unifikuar të shteteve të origjinës.
Megjithatë, në vitin 2023, u arrit një marrëveshje midis kryeministrit shqiptar Edi Rama dhe kryeministres italiane Meloni për ndërtimin e këtyre qendrave, duke mundësuar menaxhimin e fluksit të emigrantëve jashtë territorit italian.
