Çështja penale e ish-ministrit të Brendshëm, Saimir Tahiri është shtyrë më 13 maj.
Referuar edhe Aktit Normativ për situatën e krijuar nga koronavirusit, ankimimi i Tahirit nuk është konsideruar si një çështje urgjente, raporton “News24”.
Gjithashtu që çështja të niste, të gjitha palët duhet të ishin të pranishme në proces.
Ndërkohë avokatët e ish-drejtorit të Policisë së Vlorës, Jaeld Çela, kanë kërkuar përjashtimin e treshes gjykuese, Albana Boksi, Nertina Kosova dhe Nure Dreni.
Avokatët pretendojnë se gjyqtarët kanë gjykuar çështje të bashkëlidhura.
Nëse gjyqtarët përjashtohen nga procesi, duhet të ndërhyjë KLGJ për të përcaktuar një treshe tjetër.
Jaeld Çela akuzohet së bashku me Tahirin, për favorizim të grupit të Habilajve në trafikun ndërkombëtar të drogës.
Çela u dënua një vit më parë me 3 vite e 4 muaj burg, por avokatët e tij e kanë apeluar vendimin.
Ish-ministri i Brendshëm, Saimir Tahiri ndërkohë u dënua me 3 vjet shërbim prove.
