Në mbledhjen e sotme Këshilli i Ministrave ka marrë një tjetër vendim të rëndësishëm që ka të bëj me shtyrjen e vlefshmërisë së pasaportave diplomatike dhe atyre të shërbimit me një vit. Pasaportat në vendimin që ishte marrë më herët kishin vlefshmëri deri në 30 qershor 2021, ndërsa me vendimin e ri vlefshmëria zgjatet deri më 31 dhjetor 2022. Në mungesë të kryeminisri Edi Rama, zëvendëskryeministri Erion Braçe, ka firmosur vendimin për shtyrjen e vlefshmërisë së pasaportave diplomatike, deri në vitin 2022.
DKujtojmë gjithashtu se në fund të dhjetorit 2019 qeveria vendosi të shtynte vlefshmërinë pasaportave deri në dhjetor të 2021.
Vendimi i Këshillit të Ministrave:
NJË NDRYSHIM NË VENDIMIN NR.389, DATË 12.6.2019, TË KËSHILLIT TË MINISTRAVE, “PËR KRITERET PËR LËSHIMIN E PASAPORTËS DIPLOMATIKE DHE ASAJ TË SHËRBIMIT”, TË NDRYSHUAR. Në mbështetje të nenit 100 të Kushtetutës dhe të nenit 4, të ligjit nr.8668, datë 23.11.2000, “Për pajisjen e shtetasve shqiptarë me pasaportë për jashtë shteti”, të ndryshuar, me propozimin e ministrit për Evropën dhe Punët e Jashtme, Këshilli i Ministrave.
V E N D O S I: Në pikën 14, të vendimit nr.389, datë 12.6.2019, të Këshillit të Ministrave, të ndryshuar, fjalët “… pasaportat përkatëse deri më datë 30 qershor 2021.” zëvendësohen me “… pasaportat e vlefshme përkatëse deri më datë 31 dhjetor 2022”. Ky vendim hyn në fuqi pas botimit në “Fletoren zyrtare”.
