“Stop” ka udhëtuar në Gjirokastër për një monument kulture të kategorisë së parë.
Bëhet fjalë për shtëpinë e Ficove, e ndërtuar në vitin 1902 nga Rauf Fico, Ministër i Jashtëm i Shqipërisë.
Kjo shtëpi ka një arkitekturë të stilit barok, me katër kate, 27 dritare dhe një oborr të rrethuar me gur, ndërsa çatia është e mbuluar me rrasa guri.
Grisela Fico, një nga trashëgimtarët e fisit Fico, ka deklaruar se që nga viti 2012 dhe deri në vitin 2024, nuk është bërë asnjë përpjekje nga institucionet për të riparuar dëmin që iu shkaktua shtëpisë në vitin 2012 nga një restaurim jo profesional.
“Nga kjo derë kanë dalë intelektualë me një kontribut të shquar në shoqëri. Do të përmend tim atë mjek dermatolog dhe komentator sportiv. Unë jam Grisela Fico jam një prej trashëgimtarëve të shtëpive të Ficove Gjirokastër. Jam drejtuar në emisionin “Stop” që zëri im të dëgjohet. Jam këtu për të ngritur alarmin e rrezikut të shembjes së shtëpisë së Ficove në Gjirokastër, të kësaj banesë, të kësaj, thekson muze kategoria e parë dhe jo vetëm kaq, rrëfimi i saj ka dhe histori. Është e dhimbshme të mendosh që destruksioni i një shtëpie që i ka mbijetuar shekujve vjen fill pas një restaurimi,” tha Grisela Fico
Në atë kohë, ekspertët u mjaftuan me vendosjen e disa dërrasave në mes të shtëpisë, si masë për të parandaluar shembjen e plotë të saj.
Shkallës që të çon në papafingo i pritet një ndër tratat mbajtës të shtëpisë dhe shtëpia tenton të shkojë shtrembër. Fondet mbaruan dhe pritet që mbyllet gjithçka duke vendosur disa tratë mbajtës për të moslejuar rrënimin e mëtejshëm. Sigurisht që familjarë të mi janë interesuar përgjatë gjithë kësaj kohe duke trokitur në dyer institucionesh, por që është bërë një lojë ‘pasaletrash’ që më shumë na ka çuar në pritje dhe humbje kohe. Ndoshta shumë prej atyre që na ndjekin e kanë parë një herë në jetë atë ëndrrën që tenton të bërtasësh, të nxjerrësh zërin, por nuk të del ai sikleti i madh, unë kështu jam ndjerë këto kohë dhe fal jush po ndjej sot zëri im po del, për ngritjen e këtij alarmi.
Interesimi i emisionit “Stop” bëri të mundur që, në bashkëpunim me Drejtuesin e Monumenteve të Kulturës në Gjirokastër, Andis Duka, shtëpia e Ficove të tërheqë vëmendjen e Drejtorisë së Përgjithshme të Monumenteve të Kulturës. Si rezultat, kjo drejtoritë ka marrë një vendim për të nisur riparimin e plotë të murit të dëmtuar që prej vitit 2012.
