Libri “Gjeografia e Republikës së Maqedonisë” që ngjalli dhe një reagim të fortë publik, do të hiqet nga procesi mësimor fillor dhe i mesëm. Kryeministri Zoran Zaev sikurse dhe premtoi, ka firmosur sot këtë vendim.
Lajmi u bë i ditur nga zv. Kryeministri Artan Grubi, pas takimit që u zhvillua paraditen e sotme me ministrren e arsimit, Mila Carevska.
Kujtojmë se në këtë libër paraqitet një version tjetër për prejardhjen e shqiptarëve, sepse në të shkruhet se shqiptarët janë me origjinë nga Maqedonia e Veriut, por u bënë shqiptarë pas pushtimit osman.
Ky libër, i cili është shkruar mbi dezinformata, thotë se shqiptarët e Maqedonisë e kanë prejardhjen nga çerkezët, romët dhe turqit.
Po ashtu shqiptarët paraqiten si “okupatorë të Maqedonisë Perëndimore”, ndërsa në një njësi tjetër, Kosova nuk korrespondon si shtet me të cilin kufizohet Maqedonia e Veriut.
“Prej shqiptarëve të Maqedonisë ekzistojnë fise që e llogarisin vetveten si autokton. Kryesisht ata janë popullsi maqedone që gjatë periudhës së sundimit turk e kanë pranuar fenë islame dhe gradualisht janë shqiptarizuar. Midis tyre ka dhe ndonjë fis që ka prejardhjen turke, rome ose çerkeze”, thuhet në faqen 99 të këtij libri.
Më herët kryeministri Zaev premtoi që herët zgjidhje sistematike për këtë çështje si dhe largimin e tërësishëm nga programi mësimor të librit .
