Kanë kaluar 20 ditë që nga vrasja e Qassim Soleiman,gjeneralit iranian, nga forcat amerikane.
Vrasja e tij ka tronditur shumë balanca mes shteteve të ndryshme.
Në “luftën në distancë” me Iranit dhe SHBA është përfshirë edhe vendi ynë.
Strehimi i forcave opozitare iraniane “MEK” është një veprim aspak i pëlqyer nga pala tjetër.
Fillimisht, udhëheqësi suprem iranian e cilësoi Shqipërinë si një vend të vogël e djallëzor.
Më pas, zëdhënësi i Ministrisë së Punëve të Jashtme në Iran, Abas Mousavi, tha se Shqipëria duhet të futet në rrugë të drejtë, pasi ka bërë shumë gabime.
Nga ana tjetër, vendi ynë ka marrë masa kundër ndikimit të Iranit në Shqipëri.
Që prej datës 3 janar, drejtoria e Anti-terrorit në Policinë e Shtetit ka kaluar në gatishmëri me afat të pacaktuar.
Po ashtu, janë dëbuar dhe 2 diolomatë iranian, pasi u shpallën të padëshiruar.
Së fundmi, është mbyllur edhe shkolla e financuar nga Irani “Saadi”.
Shkolla e mesme jopublike ishte licencuar me urdhrin 361 më 1 dhjetor 2000.
Zyra e shtypit informon se Ministra ka finalizuar procesin e nisur prej vitit të shkuar dhe nxënësit janë vendosur në institucione të tjera
MAS detyron institucionin
Të kthejë pagesat e kryera nga nxënësit për pjesën e papërfunduar të shkollit dhe çdo detyrim tjetër të papërmbushur që mund të ketë ndaj tyre
Të pajisë çdo nxënësme dokumentacionin e nevojshëm shkollorë që do të shërbejë për transferimin e tij në një institucion tjetër të arsimit parauniversitar.
Të vërë në dispozicion të zyrës vendore të arsimit parauniversitar, Tiranë, çdo informacion të kërkuar deri në plotësimin dhe mbylljen e të gjitha kërkesave të parashikuara në këtë urdhër.
Të mbulojë të gjithë shpenzimet për kryerjen e procedurave për transferimin e nxënësve në zbatim të këtij urdhri
Të dorëzojë në zyrën vendore të arsimit parauniversitar Tiranë të gjithë dokumentacionin lidhur me veprimtarinë e kryer.
Një grup pune brenda tre ditësh do të marrë masa për mbylljen e këtij institucioni si dhe transferimin e nxënësve në institucione të tjera. Gjithashtu ky grup duhet të administrojë të gjithë dokumentacionin.
