Ditën e djeshme në Serbi janë mbajtur zgjedhjet parlamentare, ku nga rezultatet paraprake fitues rezulton Vucic me shumicë të votave. Lajmi bëhet me dije nga Komisioni Qendror i Zgjedhjeve në Serbi, ku ky i fundit ka fituar me mbi 87% të votave të numëruara, në vend të dytë bëhet me dije se ka dalë koalicioni ‘Të bashkuar për fitoren e Serbisë’ me 13.1% të votave.
Në këto zgjedhje kanë garuar dhe dy parti shqiptare si, Koalicioni i Shqiptarëve të Bashkuar dhe Alternativa Demokratike Shqiptare, me gjithsej 20 kandidatë, ku Koalicioni i Shqiptarëve i Shaip Kamberit ka marrë 0.28% të votave dhe besohet se ka siguruar një vend në Kuvendin e Serbisë.
Në zgjedhjet e 3 prillit në Serbi kanë votuar dhe rreth 100.000 serbë në komunat në kufi të Kosovës siç janë Tutini, Rashka dhe Vranja. Për zgjedhjet në Serbi ka reaguar me një postim në Twitter dhe presidentja e Kosovës Vjosa Osmani ku citon:
Sipas raportimeve, 6.000 shqiptarëve në Serbi iu mohua e drejta e tyre themelore për të votuar për shkak të fushatës së qëllimshme pasivizuese të Serbisë për spastrim etnik përmes mjeteve administrative. Komuniteti ndërkombëtar duhet të dënojë fytyrën e vërtetë të autoritarizmit të Serbisë.
Ndërkohë para zgjedhjeve duhet të theksojmë se Kryeministri i Kosovës, Albin Kurti, ka kërkuar që Qeveria serbe t’i drejtohet me kërkesë Qeverisë së Kosovës për mbajtjen e zgjedhjeve brenda komunave të Kosovës për Serbët që jetojnë në Kosovë të votojnë brenda territorit, por kjo kërkesë nuk është pranuar nga autoritetet nga Presidenti i Serbisë, Aleksandar Vuçiq, i cili ka deklaruar se me këtë kërkesë, Kurti ka dashur që Serbia të njohë Kosovën.
