Duke renditur 9 premtime madhore të kryeministrit Edi Rama në vitin 2013, kreu i opozitës, Lulzim Basha tha se ai ka dështuar në secilin prej tyre.
Me anë të një reagimi në rrjetet sociale, kryeopozitari tha se prej disa muajsh, po punon me specialistët më të mirë për të sjellë plane serioze pune për qytetarët shqiptarë, në të gjitha fushat: ekonomi, arsim, shëndetësi, bujqësi, dhe në të gjitha fushat!
Ai tha se Rama premtoi para 8 vjetësh kujdes shëndetësor falas për të gjithë, por e nuk bëri dhe shëndetësia është në kolaps. Basha theksoi se ka ardhur koha ta largojmë Ramën dhe të punojmë për njerëzit.
Reagimi:
“Qytetarë të Shqipërisë,
Më dëgjoni me vëmendje
1) 300 mijë vende punë
-Ne kemi ardhur këtu për të vendosur me votë tek numri 29 çlirimin e energjive të jashtëzakonshme të këtij populli dhe për të luftuar së bashku që të hapim 300 mijë vende të reja pune.
2) Shëndetësi Falas
Shërbim shëndetësor falas brenda 4 viteve të para të qeverisjes sonë
3) Heqja e TVSH-së për ushqimet bazë
“Heqja e TVSH-së mbi bukën, qumështin dhe vezët, si edhe ulja e TVSH-së mbi ushqimin, janë e vetmja rrugë për t’u ardhur sadopak në ndihmë sot”
Do të ulim taksat për 97 përqind të shqiptarëve.
4) ULJA E ÇMIMIT TE ENERGJISE ELEKTRIKE
-Do të ulim taksën për faturën e energjisë për familjarët.
5) Negociatat me Bashkimin Europian
Do t’i hapim negociatat me Bashkimin Europian, ne do ta bëjmë Shqipërinë anëtare të Bashkimit Europian.
6) Uljen e Borxhit publik
-Do ta përcaktojmë me ligj masën e borxhit, të mos lejojmë një borxh pa asnjë tavan ligjor.
– Defiçit dhe borxh publik nën kontroll, përmes politikash të përgjegjshme fiskale.
7) Buxhetin për arsimin 5%
-Arsimi, angazhimi ynë, burimet financiare nuk do të jenë më pak se 5% e Prodhimit të Brendshëm Bruto
8) Legalizime falas + Ujin në cdo parcelë e shtëpi
Dy gjëra, këto 4 vite, do merrem unë përsonalisht dhe do të përgjigjem unë personalisht. Mbas 4 vitesh nuk do t’ja vë absolutisht përgjegjësinë askujt: Legalizimet falas të shtëpive të ndërtuara në zonat infromale dhe ujin në cdo metër katror tokë buke dhe ujin e pijshëm në cdo shtëpi. Me këto dy gjëra do merrem unë dhe do përgjigjem unë.
9) Kthimi i emigrantëve në vend
Ne do të ndërtojmë mirëqenie dhe do të krijojmë kushtet që dhe bijtë tuaj të kthehn nga andej nga janë. Mos rropaten më në tokat e fqinjëve, po të vijnë dhe të ndërtojnë të ardhmen dhe pasurinë e tyre këtu në tokat e stërgjyshëre të tyre.
A ju duken se i keni dëgjuar këto më parë? Keni të drejtë. Pikërisht këto ishin premtimet e Ramës para 8 viteve. Po Rama nuk ka mbajtur as edhe një nga këto premtime. Ai ka dështuar në çdo drejtim”, deklaroi kreu i PD.
