Nënkryetarja e Partisë Demokratike, Jorida Tabaku ka publikuar sot shifrat e fundit që tregojnë numrin e azilkërkuesve shqiptarë në Europë. Sipas nënkryetares, Jorida Tabaku, tashmë janë mbi 200 mijë shqiptarë që në 8 vitet e fundit kanë aplikuar për azil në kontinent dhe kanë braktisur atdheun, për një jetë më të mirë. Për Tabakun, Shqipëria e Ramës vetëm shkretohet dhe tashmë rrezikon edhe një nga pikat për çeljen e negociatave.
Postimi i plotë nga nënkryetarja, Jorida Tabaku.
“Shqipëria e Ramës është një Shqipëri që shkretohet. Kemi numrin më të lartë të azilkërkuesve në Europë duke rrezikuar edhe një nga pikat e vendosura nga Bashkimi Europian, për çeljen e negociatave.”
Kriteret e vendosura janë një letër lakmuesi për të kuptuar se sa seriozisht e ka qeveria jonë procesin e integrimit. Por sot numërohen mbi 200 mijë shqiptarë që kanë ikur nga vendi në 8 vitet e fundit, të cilët, nuk shohin të ardhmen këtu, nuk besojnë më tek një qeveri që punon për veten dhe varfëron shqiptarët, cdo ditë edhe më shumë.
Sipas saj, ka ardhur koha të ndryshojmë realitetin! Ka ardhur koha që politika të punojë për qytetarët! Ka ardhur koha që integrimi të jetë kryefjala e përpjekjes sonë për një vend më të mirë dhe pranë familjes Europiane.
