Para pak ditësh një shpërthim i fuqishëm ndodhi në një restorant në Ferizaj ku mbetën të plagosur 44 persona. Shumë prej tyre u dërguan për trajtim në Prishtinë ndërsa disa të tjerē në Turqi. Ndërkohë ditën e sotme dy qytetarë të lënduar u nisën sot për trajtim mjekësor për Graz të Austrisë, falë përkrahjes dhe mbështetjes së këtij shteti.
Ministri i Shëndetësisë, Armend Zemaj, e falënderoi ambasadorin austriak në Kosovë dhe ambasadorin e Kosovës në Austri, që sipas tij, treguan përkushtim të madh dhe kanë kontribuar që të gjendet mundësia dhe përkrahja që sa më parë të nisen dy qytetarët e lënduar për trajtim.
“Situata në të cilën ndodhet tërë bota, shkaku i pandemisë, është tepër e rëndë. Shtretërit e lirë dhe emergjencat tjera, janë të stërngarkuara nga pacientët, në tërë botën. Ishte shumë e vështirë të gjenden shtete që do të mund të hapnin dyert dhe të merrnin për trajtim dy pacientët tanë. I falënderoj të gjitha familjet për mirëkuptim dhe bashkëpunim. Përkushtimi ynë për çdo pacientë do të vazhdojë”, tha Zemaj.
Kujtojmë se në ditën që ndodhi shpërthimi ishte aq i fuqishëm saqë fillimisht njerëzit menduan se ishte sulm me bombë apo tërmet, por mē pas u kuptua që kishte shpërthyer bombula e gazit të një restoranti në qytet.
