Një shpërthim i bombulës së gazit ka ndodhur në një banesë të qytetit të Korçës. Si pasojë e shpërthimit të ndodhur, kanë mbetur të plagosur shtetasit F. L., rreth 63 vjeç, banues në fshatin Goskovë, K. B., rreth 30 vjeç, banues në fshatin Voskop dhe shtetasja A. N., banuese në Voskopojë, të cilët ndodhen nën kujdesin e mjekëve, jashtë rrezikut për jetën.
Nga të dhënat e para, rezulton se shtetasit e mësipërm (familjarë me njëri-tjetrin) kanë qenë në fshatin Voskopojë, në banesën e shtetases A. N., në momentin kur ka shërthyer bombola e gazit.
Në lidhje me ngjarjen e bombulës së gazit mësohet se e zonja e shtëpisë ka dashur të provojë kaldajën me gaz, dhe kur e ka hapur i ka shpëthyer. Shtetasit e tjerë janë të afërm të cilët kishin shkuar për të ndihmuar në arredimin e shtëpisë, dhe janë gjendur afër në momentin e shpërthimit ku kanë marrë dëmtime nëpër duar. Ndërsa e zonja e shtëpisë ka pësuar djegie në fytyrë.
Njoftimi Zyrtar i Policisë:
Korçë/Informacion paraprak
Më datë 05.11.2021, rreth orës 11:20, në Spitalin e Korçës kanë shkuar me djegie trupore, si pasojë e shpërthimit të një bombole gazi shtetasit F. L., rreth 63 vjeç, banues në fshatin Goskovë, K. B., rreth 30 vjeç, banues në fshatin Voskop dhe shtetasja A. N., banuese në Voskopojë, të cilët ndodhen nën kujdesin e mjekëve, jashtë rrezikut për jetën.
Nga të dhënat e para, rezulton se shtetasit e mësipërm (familjarë me njëri-tjetrin) kanë qenë në fshatin Voskopojë, në banesën e shtetases A. N., në momentin kur ka shërthyer bombola e gazit.
Grupi hetimor po punon për të zbardhur rrethanat e ngjarjes.
