Ngjarja e 9 prillit, ku miliona euro u grabitën në pistën e Rinasit ende nuk është zbardhur plotësisht. Policia e Shtetit ka vendoosur para pak kohësh një shpërblim të majmë për tre personat e dyshuar si autorët e kësaj ngjarjeje.
Mbi 60 telefonata kanë mbërritur deri këtë të shtunë në Policinë e Shtetit për vendndodhjen e Klement Çalës, Talo Çelës dhe Eldi Çalës.
Të tre kërkohen nga Policia e Shtetit si të dyshuar për grabitjen e miliona eurove në Rinas më 9 prill 2019 në bashkëpunim me Admir Murataj.
Këto informacione, sqaruan burime nga policia, e cila po ashtu ka vendosur 10 mijë euro shpërblim, po verifikohen në bashkëpunim me Prokurorinë e Krimeve të Rënda.
Ndërsa nga të dhënat e përftuara rezulton se tre të kërkuarit ndodhen brenda territorit shqiptar dhe disa prej telefonuesve kanë dhënë informacione që mund të çojnë uniformat blu drejt kapjes së tyre.
