Dita e sotme ka shënuar edhe numrin më të lartë të rasteve të infektuara me koronavirus në vendin tonë.
Ministria e Shëndetësisë raportoi për 42 raste të reja në 24 orët e fundit në vendin tonë e ndërkohë që tre raste u konfirmuan në Krujë.
Sipas Institutit të Shëndetit Publik rastet e reja në këtë qytet janë qytetarët të cilët kishin marrë pjesë në një ceremoni mortore.
Raste të reja rezultuan edhe në Durrës, ku mësohet se rastet e infektuara kishin pasur kontakte me të infektuarit e mëparshëm.
Numri i të infektuarve në vendin tonë që nga fillimi i pandemisë Covid-19 ka shkuar në 1341.
Në të tilla kushte, ku numri i rasteve të reja rritet nga dita në ditë, mund të themi se rrezikojmë sërish izolimin.
