Ka shkuar në 10 numri i viktimave nga COVID-19 në vendin tonë.
Mësohet se viktima e radhës është një 67-vjeçar, i cili prej 4 ditësh ndodhej në terapi intensive.
Kujtojmë këtu se gjatë mbrëmjes së djeshme ndërroi jetë edhe një 52-vjeçare nga Vlora.
Ajo vuante nga hipertensioni dhe ndodhej në terapi intensive.
Në një hark kohor prej 48 orësh në vendin tonë kanë ndërruar jetë 4 persona nga COVID-19.
Bilanci i koronavirusit në vendin tonë ka shkuar në 186 të prekur, në mesin e të cilëve 31 të shëruar dhe 10 vitkima.
Në spitalin Infektiv ndodhen 77 persona, 3 prej të cilëve në terapi intensive.
Pjesa tjetër janë të shtruar në pavion, në gjendje të stabilizuar shëndetësore.
Në mesin e të prekurve janë edhe 4 fëmijë, gjendja e të cilëve është e stabilizuar.
Hartës së qyteëteve të prekura ditën e djeshme iu shtua edhe Puka me dy raste.
