Ka shkuar në 446 numri i të prekurve nga COVID-19 në vendin tonë pasi gjatë 24 orëve të fundit janë regjistruar 13 raste të reja nga 233 testime të kryera.
Në një dalje publike për mediat, specialistja e ISHP-së Marjeta Dervishi, bëri me dije të dhënat e fundit në vendin tonë, duke lajmëruar se deri tani janë kryer 3,877.
Tirana vijon të jetë epiqendra e epidemisë në vendin tonë me 215 të prekur, teksa Shkodra mbetet vatër e nxehtë infeksioni me 57 raste, ku 5 janë regjistruar gjatë 24 orëve të fundit.
Sipas Dosja.al, 5 personat janë të afërm të 3 personave që u diganostikun një ditë më parë me COVID-19 dhe dy raste të reja janë në Shirokë, familjarë të të infektuarës në këtë lagje, 2 raste nga familja e punonjëses së fasonerisë, e cila banon në lagjen Perash si dhe 1 rast tjerër është i afërm i të diagnostikuarës së djeshme në lagjen “3 Herojtë”.
Ndërkohë, betejën me COVID-19 e kanë fituar 217 persona, teksa në dy spitalet COVID aktualisht po marrin shërbim 49 pacientë: 41 pacientë të shtruar në spitalin Infektiv, nga të cilët 6 në terapi, 2 prej tyre të intubuar dhe në spitalin ‘Shefqet Ndroqi’, COVID 2, janë të shtruar 8 pacientë, 6 në terapi dhe 5 të intubuar.
Gjatë 24 orëve të fundit, 20 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 217.
