Një 49-vjeçar në Fier ka ushtruar dhunë ndaj ish-bashkëshortes, edhe pse ajo ishte pajisur me urdhër mbrojtje.
Bëhet me dije se shtetasi me inicialet E.T banues në Patos ka shkuar tek banesa e ish-bashkëshortes duke injoruar masën ligjore dhe ka shfaqur sjellje të dhunshme ndaj saj.
“Specialistët për Hetimin e Krimeve të Komisariatit të Policisë Fier arrestuan në flagrancë shtetasin E. T., banues në Patos, pasi ka ushtruar dhunë ndaj ish-bashkëshortes së tij, e cila ishte e pajisur me urdhër mbrojtjeje.
-A. P., 49 vjeç, banues në Fier, është proceduar pasi ka shkuar te banesa e ish-bashkëshortes së tij, e cila ishte e pajisur me urdhër mbrojtje”, thuhet në njoftimin e policisë së shtetit.
Vlen të theksojmë se në Shqipëri fenomeni i dhunës ndaj grave dhe vajzave vazhdon të jetë një sfidë për autoritetet dhe shoqërinë.
Denoncimet për këtë dhunë në familje në 5 vitet e fundit janë rritur me 21%, dhe sipas autoriteteve kjo tregon se ajo ka qenë e fshehur. Gjatë dy viteve të pandemisë së Covid 19 ky fenomen u përkeqësua, gjë që çoi në rritjen e numrit të vrasjeve të grave dhe vajzave, raporton VOA.
Ndërohë që zyrtarët nënvizojnë se ka disa përmirësime ligjore me qëllim zbutjen e këtij fenomeni ndërsa përfaqësues të shoqërisë civile thonë së ende mbetet shumë për të bërë.
