Policia e shtetit po ndëshkon me dorë të hekurt poltikanër që kanë shkelur rregullat e vendosura në kuadër të pandemsië. Pas ndëshkimit të disa deputetëve të Partisë Socialiste, këtë herë ka pasur gjoba edhe për përfaqësues të demokratëve. Ka qenë Edmond Spaho ai që është ndëshkuar me 50 milionë lekë gjobë. Sipas njoftimit të policisë Spaho ka shkelur rregullat duke organizuar takim me disa persona në një ambient të mbyllur. Është pozitiv fakti që edhe figurat politike ndëshkohen kur thyejnë rrehullat, me përjashtim të Erion Veliajt, i cili është bërë kult i pandëshkueshmërisë.
NJOFTIMI I POLICISË
Organizoi aktivitet politik në kundërshtim me Aktin Normativ për marrjen e masave parandaluese për përhapjen e COVID-19, ndëshkohet me masë administrative 5.000.000 lekë, përfaqësuesi i një subjekti politik.
Njëkohësisht, ndëshkohet me masë administrative 1.000.000 lekë, pronari i lokalit që lejoi zhvillimin e këtij aktiviteti.
Shërbimet e Komisariatit të Policisë Devoll, pas konstatimit se në fshatin Menkulas, Devoll, në ambientet e një lokali, përfaqësuesi i një subjekti politik konkretisht shtetasi E. S., kishte organizuar një takim me grumbullime personash, në kundërshtim me Aktin Normativ Nr. 3, datë 15.03.2020, Neni 3, pika 2, në zbatim të këtij akti, e kanë ndëshkuar shtetasin e mësipërm me masën administrative 5.000.000 lekë.
Gjithashtu është ndëshkuar me masë administrative 1.000.000 lekë, pronari i lokalit, shtetasi S. Gj., pasi lejoi zhvillimin e aktivitetit në ambientet e lokalit të tij, duke shkelur Aktin Normativ.
Drejtoria Vendore e Policisë Korçë apelon për të gjithë qytetarët, pronarët dhe administratorët e lokaleve, që të respektojnë me korrektësi masat anticovid për të bërë të mundur shkëputjen e zinxhirit të infektimit nga virusi dhe fton qytetarët të denoncojnë në Komisariatin Dixhital, cilindo që nuk respekton këto masa kufizuese, duke u kthyer në burim rreziku për qytetarët.
