Gjatë gjithë ditës së sotme deri të hënën në orën 05:00, në bazë të masave të marra nga qeveria për parandalimin e përhapjes së Coronavirusit, gjithçka është mbyllur, në të gjitha qendrat urbane të Republikës së Shqipërisë dhe në rrugë qakullojnë vetëm forcat e policisë, ushtrisë, njësive kritike të shërbimeve shtetërore dhe atyre të kompanive mediatike.
Mirëpo, ka ende qytetarë që nuk e kanë kuptuar rëndësinë e masve dhe në këtë kuadër, në të gjithë vendin, gjatë 12 orëve të fundit janë ndëshkuar me masë administrative 10.000 lekë gjobë secili, 78 persona që thyen rregullin për të qëndruar në banesë deri në orën 05:00 të mëngjesit të nesërm.
Sakaq, në Elbasan, një 24-vjeçar u arrestua në flagrancë, pasi kundërshtoi me dhunë punonjësit e Policisë, të cilët i kërkuan arsyen e daljes në rrugë, teksa nga Policia Rrugore janë evidentuar dhe ndëshkuar me tërheqje të lejes së drejtimit për 3 vjet, 4 drejtues automjetesh.
Po ashtu, janë evidentuar dhe ndëshkuar edhe 2 administratorë subjektesh tregtare, pasi në kundërshtim me orarin kufizues, kanë hapur subjektet e tyre ditën e sotme ndërsa Policia e Shetit apelon edhe njëherë për të gjithë qyetarët që të respektojnë me rigorozitet masat e vendosura, me qëllim parandalimin e përhapjes së COVID-19.
https://www.facebook.com/Policia-e-Shtetit-1502420603377639/videos/613755019472009/
