Pas vendimit për shkarkimit me 104 vota pro Presidenti Ilir Meta, i menjëhershëm ka qenë reagimi i kreut të grupit parlamentar të Partisë Socialiste, Taulant Balla. Balla thotë se Kuvendi mbaroi punë sot me Metën dhe tani pret Gjykatën Kushtetuese. Sipas Ballës, do të mjaftonin që 5 anëtarë të Gjykatës Kushtetuese të votojnë pro vendimit të Parlamentit për shkarkimin e kreut të shtetit.
‘’Mbarësi e madhe filloi, se filloi dhe shiu. Dua të falenderoj gjithë deputetët edhe ata që votuan pro, kundër dhe abstenim. Jemi Republikën e mirëfilltë parlamentare. Vendimi i shkon Gjykatës Kushtetuese , i takon asaj të shprehet, brenda një afati që është brenda 3 muajsh, është dhe gushti në mes, dhe ndoshta Gjykata do kërkojë një muaj më shumë.
Është në të mirë të procesit dhe të marrë kohën, brenda rregullores kur bëhet fjalë për një çështje të tillë.
I shkarkuari të presë Gjykatën Kushtetuese. Çdo vendimi i Gjykatës është kur 5 anëtarë shprehen pro. Aq duhen.
Unë nuk komentoj. Thirrja ime besoj të gjithë politikanët duhet të bashkohen në heshtje ndaj çdolloj adresimi ndaj Gjykatës Kushtetuese. E kemi dhe është e pavarur, Gjykata duhet të flasë, ne duhet të heshtim. Puna jonë në marrëdhënie me Ilir Metën mbaroi sot.
Parlamentin e thërret në shtator Presidenti. ‘’- tha Balla.
I pyetur nga mediat se kush do e thërrasë Parlamentin e ri në shtator, Balla u shpreh:
“Parlamentin në shtator e thërret presidenti i Republikës, nëse nuk e kryen këtë breenda 10 ditësh duhet të mblidhet”.
