Mëngjesin e sotëm, Shijaku është mbytur nga tymi, teksa janë djegur masive me plehra, duke rrezikuar edhe jetën e banorëve të zonës. Ndaj kësaj ngjarje nuk ka qëndruar indiferent, kryetari i Parisë së Lirisë, Ilir Meta, i cili deklaron se kryeministri Rama edhe të vjedh edhe të helmon.
“Sot në Gjepalaj të Shijakut, atje ku Edi Rama helmon njerëzit duke djegur tonelata me plehra për tërë natën, në pabesi ndaj komunitetit. Shijaku, Romanati dhe Ndroqi, sikur ka ndodhur një sulm kimik.
Solidaritet me të gjithë komunitetin! Koha e të pabesëve po mbaron!”, shprehet Meta
Ndërkohë që nuk ka munguar një reagim nga Policia e Shtetit që lajmëron se është identifikuar dhe arrestuar 47-vjeçari që ka shkaktuar ndotjen e ajrit.
Ai ka djegur goma, sediklje makinash dhe mbetje të tjera plastike me qëllim nxjerrjen e matrialeve metalike.
“Shijak
Dogji goma dhe pjesë të tjera makinash, duke shkaktuar ndotje të ajrit, identifikohet, kapet dhe vihet në pranga 47-vjeçari.
Shërbimet e Komisariatit të Policisë Shijak menjëherë pas marrjes së njoftimit për ndotje të ajrit si pasojë e djegies së gomave të makinave dhe sendeve të tjera, në fshatin Sallmonë, Shijak, kanë organizuar punën dhe falë informacioneve të marra në rrugë operative kanë bërë të mundur identifikimin, kapjen dhe arrestimin në flagrancë të autorit të dyshuar të kësaj veprimtarie të kundërligjshme, konkretisht të shtetasit:
-A. M., 47 vjeç, banues në Sallmonë, Shijak, pasi në këtë fshat kishte djegur goma, sedilje makinash dhe mbetje të tjera plastike, me qëllimin nxjerrjen e materialeve metalike, duke shkaktuar ndotje të madhe të ajrit.
Në cilësinë e provës materiale iu sekuestrua një karrocë dore, me të cilën transportonte materialet metalike që nxirrte nga djegia e këtyre sendeve.
Materialet hetimore i kaluan Prokurorisë, për veprime të mëtejshme, për veprën penale “Ndotja e ajrit, e ujërave dhe e tokës””, thuhet në njoftimin zyrtar të Policisë së Shtetit.
