E trishtueshme, por e vërtetë.
Perceptimet mes popullsisë ekzistojnë, por për fat të keq, edhe numrat po e tregojnë më saktësisht.
Vetëm një vit më parë, INSTAT, publikoi disa projeksione, për numrin e popullsisë në Shqipëri deri në vitin 2032.
Për vitin 2020, skenari më pesimist llogariste 2,862,427 banorë në vendin tonë, por sipas të dhënave vjetore nga gjendja civile, janari i po këtij viti llogarit 2,852,191 banorë ose 8,200 persona më pak se projeksioni me pesimist i INSTAT.
Akoma më problematike është situata, kur sheh se një numër shumë i madh personash kanë emigruar, por ndërkohë rezultojnë ende si rezidentë në Shqipëri.
Vetëm censusi do e tregojë saktësisht numrin e rezidentëve, por ai u shty të bëhet vitin tjetër, nga ky vit që ishte programuar të zhvillohej, për shkakun e pandemisë.
Në vitin 2011 në censin e fundit rezultoi se popullsia banuese në vend ishte 11% më e ulët se ajo e raportuar.
Sipas projeksionit pesimist të INSTAT, Popullsia e Shqipërisë në vitin 2031, llogaritet të jetë rreth 2,5 milionë banorë, ndërsa sipas skenarit normal 2,7 milionë banorë.
/Burimi: Monitor.al/Përshtati:GazetaReforma.com/
