Dy të rinj, 19-vjeçarë nga fshati Koplik i Sipërm, janë arrestuar në flagrancë nga specialistët e Sektorit për Hetimin e Narkotikëve në DVP Shkodër, nën dyshimet për shfrytëzim të miturash për prostitucion dhe posedim të lëndëve narkotike.
Pas hetimeve disa javore të udhëhequra nga Prokuroria e Shkodrës, Skendi Cubaj dhe Algeos Kekaj dyshohet se përdornin për qëllime seksuale kundrejt pagesës dy vajza të mitura, 16 dhe 14 vjeçe. Gjatë kontrollit ndaj Algeos Kekaj, policia sekuestroi një sasi të vogël kanabisi, që u mor si provë materiale.
Hetimet për të zbardhur plotësisht ngjarjen vijojnë, ndërsa materialet janë referuar në Prokurorinë e Shkodrës për veprat penale “Marrëdhënie seksuale ose homoseksuale me të mitur”, “Prostitucion” dhe “Prodhim e shitje të narkotikëve”.
