Një shofer në një rrugë pranë shkollës ‘Fan Noli’ në Tiranë është konfliktuar me dy drejtues furgonësh, pasi ato kishin bllokuar rrugën që të hipnin nxënësit.
Shoferi donte që ato të hapnin rrugën se kishte dhe më pas ka dëmtuar me thikë njërin prej drejtuesve të furgonit.
Mbi sherrin pranë shkollës “Fan Noli” ku pati edhe të plagosur, janë zbardhur detaje të reja. “BalkanWeb” shkruan se është identifikuar dhe shpallur në kërkim autori,
45-vjeçari Ylli Gosturani.
Mësohet se 45 vjeçari , kur ka ndodhur ngjarja ka qenë duke lëvizur me një makinë të markës “Range Rover” në rrugën përpara shkollës ku një fugon që transportonte nxënës i kishte zënë rrugën.
Ky ka qenë shkaku i nisjes së debatit, ku më pas Ylli Gosturani është zënë me shoferin dhe ndihmësin e tij duke i plagosur me thikë.
Altin Vani 37-vjeç dhe Veli Xhani 42-vjeç mbetën të plagosur dhe po marrin trajtim mjekësor tek Spitali i Traumës.
Kujtojmë njoftimin e Policisë së Shtetit për ngjarjen:
Ngjarja ndodhi rreth orës 13:35, në rrugën “Qemal Stafa”. Burime zyrtare bënë me dije se dyshohet se për shkak të bllokimit të rrugës, një shtetas ende i paidentifikuar që qarkullonte me një automjet ka goditur dyshohet me mjet prerës shtetasit A. V, 37 vjeç dhe V. V, 42 vjeç (drejtues mjeti të furgonit te shkollës) të cilët ndodhen në spital, nën kujdesin e mjekëve.
Grupi hetimor po punon për sqarimin e rrethanave të ngjarjeve, identifikimin dhe kapjen e autorit
