Një konflikt brenda familjes ka përfunduar me dhunë të rëndë mbrëmjen e djeshme në Paskuqan, ku një 30-vjeçar ka plagosur me thikë dy vëllezërit e tij.
Policia ka shpallur në kërkim autorin e dyshuar, Ervin Kadiu.
Ngjarja ka ndodhur në banesën e familjes, megjithëse Kadiu nuk jetonte më aty. Sipas burimeve, takimi mes tyre ishte organizuar për të zgjidhur një çështje borxhi që autori kishte ndaj vëllezërve. Por situata ka degraduar në dhunë fizike.
Fillimisht, dy vëllezërit dyshohet se kanë goditur Kadiun me sende të forta. Më pas, ai ka nxjerrë një thikë dhe i ka plagosur të dy në duar dhe pjesë të tjera të trupit.
Të plagosurit janë dërguar në spital, ndërsa policia ka nisur hetimet dhe po punon për kapjen e 30-vjeçarit.
Grupi hetimor po mbledh prova dhe dëshmi për të zbardhur plotësisht rrethanat e ngjarjes.
