Një plagosje me thikë ka ndodhur këtë të diel, rreth orës 11:30, tek terminali i autobusëve në Mbyet, Fier. Mësohet se ngjarja ka ndodhur për motive të dobëta, ku shtetasi me iniciale A.L ka plagosur me thikë një 40-vjeçar. I lënduar është transportuar me urgjencë në spital, ku ka marrë ndihmë mjekësore.
Njoftimi i policisë:
Plagosi me mjet prerës (thikë) një shtetas, Policia kap dhe vë në pranga, menjëherë pas ngjarjes, autorin e dyshuar.
Rreth orës 11:30, tek terminali i autobuzëve në Mbyet, Fier, dyshohet se pas një konflikti të çastit, për motive të dobëta, shtetasi A. L. 50 vjeç, ka plagosur me mjet prerës (thikë), shtetasin K. L., rreth 40 vjeç. Nga ndërhyrja e menjëhershme e shërbimeve të Policisë, është bërë e mundur kapja dhe shoqërimi në Komisariat, i shtetasit A. L., me të cilin po kryhen veprimet e mëtejshme procedurale.
Ndërkaq, i dëmtuari është transportuar në spitalin e Fierit, ku po merr ndihmë mjekësore. Grupi hetimor po punon për sqarimin e plotë të rrethanave të rastit.
