Emisioni Fiks Fare ka zbuluar një skandal të madh në thertoren “Muharrem Hoxha” në Berat, ku kafshë të infektuara me brucelozë thereshin dhe mishin e infektuar e çonin në fabrikën e sallamit të pronarit të thertores.
Gazetarët e Fiksit mundën të depërtonin në thertoren që duhej të ishte e mbyllur dhe të merrnin informacione për praktikat e dyshimta.
Punonjësit e thertores i treguan se për therjen e kafshëve kërkoheshin certifikata veterinare dhe lëvizëse.
Kur gazetarët shkuan në AKU-në e Beratit, drejtori i këtij institucioni, Fatlli Adilaj, shprehu habi që thertorja ishte ende në funksion, duke pranuar se kishte mish bruceloz, por që sipas tij, nuk ishte mish nga zonat e Beratit.
Ai po ashtu pranoi se mishin e dyshimtë e kishte marrë në fabrikën e sallamit të pronarit të thertores.
Fiks Fare më vonë ka zbuluar se mishin e bllokuar nga AKU, nuk kishte asnjë dokumentacion mbi origjinën e tij, dhe ai ishte përdorur në prodhimin e sallamit.
Pavarësisht dyshimeve dhe mungesës së dokumenteve, drejtori i AKU-së nuk dha një përgjigje të menjëhershme për veprimet që do të merren për këtë mish, dhe pas një jave ai tha se do të asgjësohej, por nuk sqaroi pse nuk ishte asgjësuar më herët.
Gazetarët e Fiksit kërkuan sqarime dhe lidhje me drejtuesit për këtë çështje, por në shumë raste ata mbetën pa përgjigje.
