Shembja e Teatrit Kombëtar shkaktoi jehonë jo vetëm në mediat shqiptare por edhe në mediat botërore me impakt të madh te publiku.
Së fundmi, gazeta e famshme franceze “Le Monde”, ka shkruar një artikull për këtë çështje.
Shembja e Teatrit Kombëtar është cilësuar si akt barbar nga qeveria shqiptare.
“Le Monde” ka shkruar edhe për përpjekjen e deputetëve të opozitës dhe të artistëve për të kundërshtuar shembjen e Teatrit, por që u përballën me dhunën e policisë.
Pjesë nga artikulli i “Le Monde” për shembjen e Teatrit Kombëtar:
Kryeministri shqiptar Edi Rama kënaqet të nxjerrë në pah karrierën e tij si një artist dhe shijet e tij si piktor.
Kur ai ishte kryetar i kryeqytetit, Tiranë, midis viteve 2000 dhe 2011, ai u bë i njohur në të gjithë botën pasi leu ndërtesat e trashëguara nga diktatura komuniste me ngjyra të ndritshme.
Kështu ai i tha kryeqytetit shqiptar një galeri arti në natyrë. Por të dielën më 17 maj, i njëjti Edi Rama, 55 vjeç, kryeministër që nga viti 2013, dërgoi në orët e para të mëngjesit Polinë për të shkatërruar një nga institucionet kulturore të vendit, Teatrin Kombëtar.
Brenda tij ishin disa duzina artistësh dhe kundërshtarësh politikë që kishin uzurpuar ndërtesën për më shumë se dy vjet.
“Ata erdhën në orën 4:15 të mëngjesit, ne ishim ende rreth gjashtëdhjetë vetë, ata na evakuuan dhe sollën buldozerin,”- tregon regjisori dhe aktori Edmond Budina, një nga përfaqësuesit e Aleancës për Mbrojtjen e Teatrit. Organizatë e krijuar që nga viti 2018 për të shpëtuar ndërtesën së ngritur në vitin 1940 kur vendi u pushtua nga Italia.
Një demonstrim spontan në të cilin liderët e opozitës u shpërndanë brutalisht.
Teatri Kombëtar u shemb një javë më parë, ku forca të shumta policie nxorrën me forcë e dhunë artistët e aktivistët që ishin brenda në godinë.
Pas shembjes së godinës kanë shpërthyer edhe njëherë protestat dhe kërkohen rindërtimin e Teatrit Kombëtar aty ku ishte dhe si ishte më parë.
