Trishtuese ishte situata që u krijua paraditen e sotme, ku si pasojë e një aksioni të ndërmarrë për prishjen e një banese në zonën e “Petro Ninit” në Tiranë, në të cilën jetojnë 3 familje, banorët u përplasën me policinë.
Familjarët shprehen se jetojnë në atë banesë prej më shumë se 75 vitesh dhe se sipas tyre kanë dokumentacion të rregullt e nuk ekzistojnë pronarë të tjerë, por me vendim të gjykatës pas shembjes së godinës, trualli do t’u rikthehet ish-pronarëve.
Aq e rëndë u bë situata sa disa gra u shtrinë në tokë në shenjë proteste për të mbrojtur shtëpitë e tyre, ndërkohë që prezentë ishin edhe fëmijët.
Por duket se kjo situatë përveç banorëve ka prekur edhe disa prej efektiveve, të cilat siç duken nga fotot më poshtë shfaqen me lot në sy, ndërsa mundohen të qetësojnë familjarët.
