Tritan Shehu ka reaguar lidhur me situatën në Afganistan. Shehu me anë të një postimi në rrjetet sociale, ka shkruar se të besosh në demokratizimin e talebanizmit është njësoj si të shpresoje në demokratizimin e nazizmit apo komunizmit.
Shehu shkruan se talibanizmi do të ngelë gjithmonë vetëm një “egërsirë” e krijuar dhe orientuar për të “shqyer” njerëzimin e vlerat e tij. A i thotë më tej në postimin e tij se kjo nuk mund të ndryshojë, sepse është vendosur në ADN e tij, pa të cilën ai nuk do të ekzistonte.
Postimi i Tritan Shehut
Në qoftë se dikush shpreson në “zbutjen” e Talibanizmit drejt një demokracie e të drejtash, që do të thotë drejt një Talebanizmi me “fytyrë njeriu”, atëherë duhet të jetë ky “djaloshi”, modeli i Talebanit “intelektual liberal”!
Unë nuk besoj në qoftë se dikush e beson këtë.
Sepse Talibanizmi do të ngelë gjithmonë vetëm një “egërsirë” e krijuar dhe orientuar për të “shqyer” njerëzimin e vlerat e tij.
Dhe kjo nuk mund të ndryshojë, sepse është vendosur në ADN e tij, pa të cilën ai nuk do të ekzistonte. Të shpresosh në këtë transformim, është sikur të shpresoje vite më parë në demokratizimin e Nazizmit apo të Komunizmit!
