Pas takimit ditën e enjte të presidents Von der Leyen me krerët e Ballkanit Perëndimor, këtë herë këta të fundit do të takohen me shefin e diplomacisë evropiane, Josep Borrell të mërkurën në Nju Jork. Kjo u njoftua sot nga Komisioni Evropian, sipas të cilit takimi do të mbahet në kuadër të aktiviteteve të sesionit të 79-të të Asamblesë së Përgjithshme të OKB-së. Sesioni do të ketë një delegacion të lartë nga BE-ja, përfshirë Borrell dhe presidenten e Komisionit Evropian, Ursula von der Leyen.
“Prioriteti i BE-së do të jetë adresimi i konflikteve dhe krizave në nivel global,” theksohet në njoftim.
Në një takim të veçantë, presidentja von der Leyen u takua të enjten në Bruksel me liderët e vendeve të Ballkanit Perëndimor për të diskutuar mbi zgjerimin dhe një plan për rritje ekonomike për rajonin.
Pas takimit, Von der Leyen shprehu se gjashtë vendet e Ballkanit Perëndimor kanë një vend në Bashkimin Evropian.
“Sot pritëm liderët e gjashtë partnerëve nga Ballkani Perëndimor. Të gjitha këto vende e kanë vendin në Evropë, dhe për këtë jemi duke punuar. Po ashtu, po i afrojmë ekonomitë dhe tregjet e tyre me të tona përmes Planit tonë të Rritjes prej 6 miliardë eurosh për rajonin,” shkroi ajo.
Komisioni i Ligjeve rrëzon kërkesën e opozitës për shkarkimin e Presidentit Begaj
Komisioni i Ligjeve ka rrëzuar kërkesën e depozituar nga opozita për shkarkimin e presidentit Bajram Begaj. Vendimi u mor pas...
